*
ದಿನಕ್ಕೊಂದು ಕಥೆ ಬದುಕಿನ ದಿಕ್ಕನ್ನೇ ಬದಲಿಸಿತು ಆ ಒಂದು ಚಿಕ್ಕ ಸಹಾಯ!*
ಒಂದು ಲೋಟ ಹಾಲಿನ ರೂಪದಲ್ಲಿ ಚಿಕಿತ್ಸೆಯ ವೆಚ್ಚ ಸಂದಾಯವಾದ ಕತೆಯನ್ನು ಹಿಂದೊಮ್ಮೆ ನೀವು ಇದೇ ಅಂಕಣದಲ್ಲಿ ಓದಿರುತ್ತೀರಿ. ಅದೇ ರೀತಿಯ ಇನ್ನೊಂದು ಕತೆ ಇಲ್ಲಿದೆ. ಅದೊಂದು ಕಗ್ಗತ್ತಲೆಯ ಮಳೆಗಾಲದ ಮಧ್ಯರಾತ್ರಿ. ಗಂಟೆ ಸುಮಾರು ಒಂದು ಆಗಿರಬಹುದು. ಅಮೆರಿಕದ ಫಿಲಡೆಲ್ಫಿಯದ ಸಣ್ಣ ಹೋಟೆಲ್ ಒಂದರ ರಿಸೆಪ್ಶನ್ ಡೆಸ್‌ಕ್‌‌ನಲ್ಲಿ ಒಬ್ಬ ಕ್ಲರ್ಕ್ ನಿದ್ದೆಗಣ್ಣಿನಲ್ಲಿ ಕುಳಿತಿದ್ದ. ಅಲ್ಲಿಗೆ ವೃದ್ಧ ದಂಪತಿ ಬಂದರು.
ಹೊರಗೆ ಮಳೆ ಜೋರಾಗಿ ಸುರಿಯುತ್ತಿದ್ದುದರಿಂದ ಹೋಟೆಲ್ ನಲ್ಲಿ ರೂಮ್ ಸಿಗಬಹುದೆಂದು ಅವರು ಬಂದಿದ್ದರು. ‘ಈ ರಾತ್ರಿ ತಂಗಲು ಹೋಟೆಲ್‌ನಲ್ಲಿ ರೂಮ್ ಸಿಗಬಹುದೇ?’ಎಂದು ಗಂಡ ಕ್ಲರ್ಕ್‌ನ ಬಳಿ ಕೇಳಿದ. ಆ ಕ್ಲರ್ಕ್ ಸ್ನೇಹಜೀವಿ. ಮಧ್ಯೆರಾತ್ರಿ ಬಂದವರನ್ನು ಕಂಡು ಕೋಪಿಸಿಕೊಳ್ಳದೆ ಮುಗುಳ್ನಗೆಯಿಂದಲೇ ಹೇಳಿದ- ‘ನಗರದಲ್ಲಿ ಮೂರು ಸಮಾರಂಭಗಳು ನಡೆಯುತ್ತಿವೆ. ಹಾಗಾಗಿ ನಮ್ಮ ಹೋಟೆಲ್‌ನ ಎಲ್ಲ ರೂಂಗಳೂ ಭರ್ತಿಯಾಗಿವೆ’.
ದಂಪತಿಯ ಮುಖದಲ್ಲಿ ಆತಂಕ ಮೂಡಿತು. ಅದನ್ನು ಗಮನಿಸಿದ ಕ್ಲರ್ಕ್ ಮಾತು ಮುಂದುವರಿಸಿದ ‘ಆದರೆ… ಮಳೆಗಾಲದ ಮಧ್ಯರಾತ್ರಿಯಲ್ಲಿ ನಮ್ಮ ಹೋಟೆಲ್‌ಗೆ ಬಂದ ಅತಿಥಿಗಳನ್ನು ನಾನು ಹಾಗೆಯೇ ಕಳಿಸಬಾರದಲ್ಲವೆ? ನೀವು ಒಪ್ಪುವುದಾದರೆ ನನ್ನ ಕೋಣೆಯಲ್ಲಿಯೇ ತಂಗಬಹುದು. ಅದು ದೊಡ್ಡ ರೂಮೇನಲ್ಲ. ಆದರೆ ಒಂದು ರಾತ್ರಿ ಕಳೆಯಲು ತೊಂದರೆಯಿಲ್ಲ’ಎಂದ ಸೌಜನ್ಯದಿಂದ. ‘ಇಲ್ಲ, ನಿಮಗೇಕೆ ನಮ್ಮಿಂದ ತೊಂದರೆ. ಇಲ್ಲೇ ಹತ್ತಿರದಲ್ಲಿ ಬೇರೆ ಹೋಟೆಲ್ ಇದ್ದರೆ ತಿಳಿಸಿ’ಎಂದಳು ಮಹಿಳೆ.
‘ಇದರಲ್ಲಿ ತೊಂದರೆಯೇನು ಬಂತು. ನೀವೇ ನೋಡಿದಿರಲ್ಲ ನಾನು ಈ ಕುರ್ಚಿಯ ಮೇಲೆ ಕುಳಿತು ರಾತ್ರಿ ಕಳೆಯಬೇಕು. ನಾನು ಡ್ಯೂಟಿ ಮೇಲಿದ್ದೇನಲ್ಲ. ನೀವು ನನ್ನ ರೂಮಲ್ಲಿ ಧಾರಾಳವಾಗಿ ವಿಶ್ರಾಂತಿ ಪಡೆಯಬಹದು’ ಎಂದನಾತ. ಕೊನೆಗೂ ಆ ದಂಪತಿ ಕ್ಲರ್ಕ್‌ನ ರೂಂ ಬಳಸಲು ಒಪ್ಪಿದರು. ಮರುದಿನ ಬಿಲ್ ಪಾವತಿಸಿ ಹೊರಟು ನಿಂತ ವೃದ್ಧ ಆತನಿಗೆ ‘ನೀನೊಬ್ಬ ಒಳ್ಳೆಯ ಮ್ಯಾನೇಜರ್. ನಿನ್ನಂಥ ಸಹೃದಯಿಗಳು ಒಂದು ದೊಡ್ಡ ಹೋಟೆಲ್‌ನ ಬಾಸ್ ಆಗಬೇಕು. ಮುಂದೊಮ್ಮೆ ನಿನಗಾಗಿ ಒಂದು ಹೋಟೆಲ್ ಕಟ್ಟಿಸೋಣ ಬಿಡು’ಎಂದರು. ಅದನ್ನು ಕೇಳಿದ ಆ ಕ್ಲರ್ಕ್ ನಕ್ಕುಬಿಟ್ಟ. ದಂಪತಿ ಆತನೊಂದಿಗೆ ಒಂದಷ್ಟು ಹೊತ್ತು ಹರಟಿ ಹೊರಟು ಹೋದರು. ಆತ ಎಂಥ ಅಪರೂಪದ ವ್ಯಕ್ತಿ ಎಂದು ದಂಪತಿಗೆ ಅರಿವಾಯಿತು.
ವರ್ಷಗಳೆರಡು ಉರುಳಿದವು. ಆ ರಾತ್ರಿ ನಡೆದ ಘಟನೆಯನ್ನು, ಮರುದಿನ ಬೆಳಗ್ಗೆ ದಂಪತಿ ಹೇಳಿದ್ದ ಮಾತುಗಳನ್ನು ಕ್ಲರ್ಕ್ ಮರೆತೇ ಬಿಟ್ಟಿದ್ದ. ಆದರೆ ಅವನ ವಿಳಾಸಕ್ಕೆ ಬಂದ ಒಂದು ಲಕೋಟೆ ಎಲ್ಲವನ್ನೂ ಮತ್ತೆ ನೆನಪಿಸಿತು. ವೃದ್ಧ ದಂಪತಿ ಕಳಿಸಿದ ಆ ಲಕೋಟೆಯಲ್ಲಿ ಮಳೆಗಾಲದ ರಾತ್ರಿಯ ಬಗ್ಗೆ ಬರೆಯಲಾಗಿತ್ತು ಹಾಗೂ ನ್ಯೂಯಾರ್ಕ್‌ಗೆ ಬರುವಂತೆ ಆಹ್ವಾನಿಸಿ ಟಿಕೆಟ್‌ಗಳನ್ನೂ ಇಡಲಾಗಿತ್ತು. ಆಹ್ವಾನವನ್ನು ಮನ್ನಿಸಿ ಕ್ಲರ್ಕ್ ನ್ಯೂಯಾರ್ಕ್‌ಗೆ ಹೋದ. ಅವರು ಆತನನ್ನು 5ನೇ ಅವೆನ್ಯೂ, 34ನೇ ರಸ್ತೆಗೆ ಕೊಂಡೊಯ್ದರು. ಅಲ್ಲಿ ತಲೆಯೆತ್ತಿ ನಿಂತಿದ್ದ ನಸುಗೆಂಪು ಬಣ್ಣದ ಕಟ್ಟಡವೊಂದನ್ನು ತೋರಿಸಿ ‘ಅದು… ಆ ಹೋಟೆಲನ್ನು ನಾನು ನಿನಗಾಗಿ ಕಟ್ಟಿಸಿದ್ದೇನೆ. ಇನ್ನು ಮುಂದೆ ನೀನಿದರ ಮ್ಯಾನೇಜರ್!’ಎಂದ.
ಒಂದು ಕ್ಷಣ ಅವಕ್ಕಾದ ಕ್ಲರ್ಕ್ ಸಾವರಿಸಿಕೊಂಡು ‘ನೀವು ಜೋಕ್ ಮಾಡುತ್ತಿದ್ದೀರಿ’ಎಂದ. ‘ಖಂಡಿತವಾಗಿಯೂ ಇಲ್ಲ!’ ಎಂದ ಆ ಹಿರಿಯ. ಅಷ್ಟಕ್ಕೂ ಹಾಗೆ ಹೇಳಿದ ಆ ಹಿರಿಯನಾರು ಗೊತ್ತೇ? ಪ್ರಸಿದ್ಧ ರಾಜಕಾರಣಿ, ಉದ್ಯಮಿಯಾಗಿದ್ದ ವಿಲಿಯಂ ವಾಲ್ಡೋರ್ಫ್ ಆಸ್ಟರ್! ಇನ್ನು ಆ ಹೋಟೆಲ್ ಯಾವುದು ಗೊತ್ತೇ? ಅದು ಜಗತ್ತಿನ ಅತ್ಯುತ್ತಮ ಹೋಟೆಲ್‌ಗಳಲ್ಲಿ ಒಂದಾದ ನ್ಯೂಯಾರ್ಕ್‌ನ ಮ್ಯಾನ್‌ಹಟನ್‌ನಲ್ಲಿರುವ ವಾಲ್ಡೋರ್ಫ್ ಆಸ್ಟೋರಿಯಾ ಹೋಟೆಲ್! ಎಂದೋ ಮಾಡಿದ ಸಹಾಯಕ್ಕೆ ಮುಂದೊಂದು ದಿನ ತಾನು ಅತಿದೊಡ್ಡ ಹೋಟೆಲ್‌ನ ಮ್ಯಾನೇಜರ್ ಆಗುವ ಪ್ರತಿಫಲ ಸಿಗುತ್ತದೆಂದು ತಿಳಿಯದ ಆ ಕ್ಲರ್ಕ್ ಬೇರ್ಯಾರೂ ಅಲ್ಲ ಪ್ರಖ್ಯಾತ ಹೋಟೆಲ್ ಉದ್ಯಮಿ ಜಾರ್ಜ್ ಸಿ ಬೋಲ್‌ಟ್‌! ಅದಕ್ಕೇ ಹೇಳುವುದು Good deeds never goes unrewarded!
******************************
ಜೀವಶಾಸ್ತ್ರಜ್ಞರು ಪ್ರಯೋಗ ನಡೆಸುವ ಸಲುವಾಗಿ ಒಂದು ಶಾರ್ಕ್ ಅನ್ನು ದೊಡ್ಡದೊಂದು ಟ್ಯಾಂಕ್‌ನಲ್ಲಿ ಇರಿಸಿದರು. ನಂತರ ಸಣ್ಣಪುಟ್ಟ ಜಾತಿಯ ಮೀನುಗಳನ್ನು ಅದೇ ಟ್ಯಾಂಕಿನೊಳಗೆ ಬಿಡಲಾಯಿತು. ಈಗ ಶಾರ್ಕ್ ಏನು ಮಾಡುತ್ತದೆ ಎಂದು ಗಮನಿಸಲಾಯಿತು. ನೀವು ಊಹಿಸಿದ ಹಾಗೆಯೇ ಶಾರ್ಕ್ ಅಲ್ಲಿದ್ದ ಸಣ್ಣ ಮೀನುಗಳನ್ನು ಗುಳುಂ ಮಾಡಿಯೇಬಿಟ್ಟಿತು. ಒಂದೆರಡು ದಿನಗಳ ಕಾಲ ಹೀಗೆ ನಡೆಯಿತು. ಇವರು ಮೀನುಗಳನ್ನು ಟ್ಯಾಂಕಿಗೆ ಬಿಡುವುದು, ಶಾರ್ಕ್ ಅವುಗಳನ್ನು ತಿನ್ನುವುದು. ಒಂದು ದಿನ ಟ್ಯಾಂಕಿನ ಮಧ್ಯೆ ಗಾಜಿನಷ್ಟೇ ಪಾರದರ್ಶಕವಾದ ಫೈಬರ್‌ನ ತಡೆಗೋಡೆಯನ್ನು ನಿರ್ಮಿಸಿದರು.
ಅದು ಟ್ಯಾಂಕನ್ನು ಎರಡು ಭಾಗಗಳನ್ನಾಗಿ ವಿಂಗಡಿಸಿತು. ಒಂದು ಕಡೆ ಶಾರ್ಕ್ ಇತ್ತು. ಇನ್ನೊಂದು ಭಾಗದಲ್ಲಿ ಇವರು ಮೊದಲಿನಂತೆ ಮೀನುಗಳನ್ನು ಬಿಟ್ಟರು. ಈ ಕಡೆಯಿದ್ದ ಶಾರ್ಕ್‌ಗೆ ಮೀನುಗಳು ಕಾಣಿಸಿದವು. ಎಂದಿನಂತೆ ಅದು ಮೀನುಗಳ ಮೇಲೆ ಆಕ್ರಮಣ ಮಾಡಲು ಮುನ್ನುಗ್ಗಿತು! ಮಧ್ಯೆಯಿದ್ದ ತಡೆಗೋಡೆಗೆ ತಲೆ ಬಡಿಯಿತು. ಆದರೆ ಆಚೆಗೆ ಹೋಗಲಾಗಲಿಲ್ಲ. ಮತ್ತೊಮ್ಮೆ, ಮಗದೊಮ್ಮೆ ಪ್ರಯತ್ನಿಸಿತು. ಉಹೂಂ ಸಾಧ್ಯವೇ ಇಲ್ಲ! ಸ್ವಲ್ಪ ಹೊತ್ತು ತಲೆ ಚಚ್ಚಿಸಿಕೊಂಡ ಶಾರ್ಕ್ ಹತಾಶೆ, ಕೋಪದಿಂದ ಸುಮ್ಮನಾಯಿತು. ಈ ಪ್ರಯೋಗ ವಾರಗಳ ಕಾಲ ಮುಂದುವರಿಯಿತು. ಪ್ರತಿ ಪ್ರಯತ್ನದ ನಂತರ ಶಾರ್ಕ್‌ನ ಆಕ್ರಮಣಕಾರಿ ಸ್ವಭಾವ ಕ್ಷೀಣಿಸತೊಡಗಿತು. ಮೊದಲೆಲ್ಲ ಕೈಕಾಲು ಸೋಲುವವರೆಗೆ ಗೋಡೆಗೆ ಬಡಿಯುತ್ತಿದ್ದ ಶಾರ್ಕ್, ಗಂಟೆಗೊಮ್ಮೆ ಪ್ರಯತ್ನ ಮಾಡತೊಡಗಿತು.
ಕೊನೆಕೊನೆಗೆ ನೆನಪಾದಾಗೊಮ್ಮೆ ಫೈಬರ್ ಗೋಡೆಯಾಚೆ ನುಗ್ಗಲು ಯತ್ನಿಸಿ ಸುಮ್ಮನಾಗತೊಡಗಿತು. ಕೊನೆಗೊಂದು ದಿನ ಅಲ್ಲಿ ನಿರ್ಮಿಸಿದ್ದ ತಡೆಗೋಡೆಯನ್ನು ತೆಗೆದು ಹಾಕಿದರು. ಮೀನುಗಳು ಇನ್ನೊಂದು ಪಾರ್ಶ್ವದಲ್ಲಿ ಈಜಾಡುತ್ತಲೇ ಇದ್ದವು. ಆದರೆ ಈಚೆ ಭಾಗದಲ್ಲಿದ್ದ ಶಾರ್ಕ್ ಮೀನುಗಳ ಮೇಲೆ ಆಕ್ರಮಣ ಮಾಡಲೇ ಇಲ್ಲ. ಬಾಹ್ಯವಾಗಿ ನಿರ್ಮಿಸಲಾಗಿದ್ದ ತಡೆಗೋಡೆ ತೆಗೆದರೂ, ಶಾರ್ಕ್‌ನ ಮನಸ್ಸಿನೊಳಗೆ ನಿರ್ಮಿತವಾದ ಆಂತರಿಕ ತಡೆಗೋಡೆ ಕಳಚಲೇ ಇಲ್ಲ. ಮೀನುಗಳ ಮೇಲೆ ಆಕ್ರಮಣ ಮಾಡುವುದು ನನ್ನಿಂದ ಸಾಧ್ಯವಿಲ್ಲ ಎಂದು ಬಲವಾಗಿ ನಂಬಿದ ಶಾರ್ಕ್ ಪ್ರಯತ್ನ ಮುಂದುವರಿಸಲೇ ಇಲ್ಲ. ನಮ್ಮ ಜೀವನದಲ್ಲಿಯೂ ಹಾಗೇ ಆಗುತ್ತದೆ. ಯಾವುದೋ ಕೆಲಸಕ್ಕೆ ಕೈ ಹಾಕುತ್ತೇವೆ. ಸತತ ಸೋಲುಗಳು ಎದುರಾಗುತ್ತವೆ.
ಓಹೋ ಇದು ನನ್ನಿಂದಾಗದು ಎಂದು ಕೈ ಚೆಲ್ಲಿ ಸುಮ್ಮನಾಗುತ್ತೇವೆ. ಹಿಂದೆ ಸೋಲಾಗಿತ್ತು, ಹಾಗಾಗಿ ಮುಂದೆಂದೂ ನನಗೆ ಗೆಲ್ಲಲು ಸಾಧ್ಯವಿಲ್ಲ ಎಂಬ ಭಯದ ತಡೆಗೋಡೆಯೊಂದು ಮನಸ್ಸಿನೊಳಗೆ ಭದ್ರವಾಗಿ ತಲೆಯೆತ್ತಿ ಬಿಟ್ಟಿರುತ್ತದೆ. ಇಂಥ ಆಂತರಿಕ ತಡೆಗೋಡೆಯನ್ನು ಒಡೆದು ಹಾಕದಿದ್ದರೆ ನಾವೂ ಆ ಶಾರ್ಕ್‌ನಂತೆ ಕಣ್ಮುಂದೆ ಮೀನುಗಳನ್ನು ಈಜಲು ಬಿಟ್ಟು ಸುಮ್ಮನಾಗಬೇಕಾಗುತ್ತದೆ. ವಾಸ್ತವದಲ್ಲಿ ಇಲ್ಲದೇ ಇರುವ ಗೋಡೆಯೊಂದು ನಿಮ್ಮ ತಲೆಯೊಳಗೆ ಮೂಡದಿರಲಿ.
Sent from Samsung Mobile
ಒಂದು ಲೋಟ ಹಾಲಿನ ರೂಪದಲ್ಲಿ ಚಿಕಿತ್ಸೆಯ ವೆಚ್ಚ ಸಂದಾಯವಾದ ಕತೆಯನ್ನು ಹಿಂದೊಮ್ಮೆ ನೀವು ಇದೇ ಅಂಕಣದಲ್ಲಿ ಓದಿರುತ್ತೀರಿ. ಅದೇ ರೀತಿಯ ಇನ್ನೊಂದು ಕತೆ ಇಲ್ಲಿದೆ. ಅದೊಂದು ಕಗ್ಗತ್ತಲೆಯ ಮಳೆಗಾಲದ ಮಧ್ಯರಾತ್ರಿ. ಗಂಟೆ ಸುಮಾರು ಒಂದು ಆಗಿರಬಹುದು. ಅಮೆರಿಕದ ಫಿಲಡೆಲ್ಫಿಯದ ಸಣ್ಣ ಹೋಟೆಲ್ ಒಂದರ ರಿಸೆಪ್ಶನ್ ಡೆಸ್‌ಕ್‌‌ನಲ್ಲಿ ಒಬ್ಬ ಕ್ಲರ್ಕ್ ನಿದ್ದೆಗಣ್ಣಿನಲ್ಲಿ ಕುಳಿತಿದ್ದ. ಅಲ್ಲಿಗೆ ವೃದ್ಧ ದಂಪತಿ ಬಂದರು.
ಹೊರಗೆ ಮಳೆ ಜೋರಾಗಿ ಸುರಿಯುತ್ತಿದ್ದುದರಿಂದ ಹೋಟೆಲ್ ನಲ್ಲಿ ರೂಮ್ ಸಿಗಬಹುದೆಂದು ಅವರು ಬಂದಿದ್ದರು. ‘ಈ ರಾತ್ರಿ ತಂಗಲು ಹೋಟೆಲ್‌ನಲ್ಲಿ ರೂಮ್ ಸಿಗಬಹುದೇ?’ಎಂದು ಗಂಡ ಕ್ಲರ್ಕ್‌ನ ಬಳಿ ಕೇಳಿದ. ಆ ಕ್ಲರ್ಕ್ ಸ್ನೇಹಜೀವಿ. ಮಧ್ಯೆರಾತ್ರಿ ಬಂದವರನ್ನು ಕಂಡು ಕೋಪಿಸಿಕೊಳ್ಳದೆ ಮುಗುಳ್ನಗೆಯಿಂದಲೇ ಹೇಳಿದ- ‘ನಗರದಲ್ಲಿ ಮೂರು ಸಮಾರಂಭಗಳು ನಡೆಯುತ್ತಿವೆ. ಹಾಗಾಗಿ ನಮ್ಮ ಹೋಟೆಲ್‌ನ ಎಲ್ಲ ರೂಂಗಳೂ ಭರ್ತಿಯಾಗಿವೆ’.
ದಂಪತಿಯ ಮುಖದಲ್ಲಿ ಆತಂಕ ಮೂಡಿತು. ಅದನ್ನು ಗಮನಿಸಿದ ಕ್ಲರ್ಕ್ ಮಾತು ಮುಂದುವರಿಸಿದ ‘ಆದರೆ… ಮಳೆಗಾಲದ ಮಧ್ಯರಾತ್ರಿಯಲ್ಲಿ ನಮ್ಮ ಹೋಟೆಲ್‌ಗೆ ಬಂದ ಅತಿಥಿಗಳನ್ನು ನಾನು ಹಾಗೆಯೇ ಕಳಿಸಬಾರದಲ್ಲವೆ? ನೀವು ಒಪ್ಪುವುದಾದರೆ ನನ್ನ ಕೋಣೆಯಲ್ಲಿಯೇ ತಂಗಬಹುದು. ಅದು ದೊಡ್ಡ ರೂಮೇನಲ್ಲ. ಆದರೆ ಒಂದು ರಾತ್ರಿ ಕಳೆಯಲು ತೊಂದರೆಯಿಲ್ಲ’ಎಂದ ಸೌಜನ್ಯದಿಂದ. ‘ಇಲ್ಲ, ನಿಮಗೇಕೆ ನಮ್ಮಿಂದ ತೊಂದರೆ. ಇಲ್ಲೇ ಹತ್ತಿರದಲ್ಲಿ ಬೇರೆ ಹೋಟೆಲ್ ಇದ್ದರೆ ತಿಳಿಸಿ’ಎಂದಳು ಮಹಿಳೆ.
‘ಇದರಲ್ಲಿ ತೊಂದರೆಯೇನು ಬಂತು. ನೀವೇ ನೋಡಿದಿರಲ್ಲ ನಾನು ಈ ಕುರ್ಚಿಯ ಮೇಲೆ ಕುಳಿತು ರಾತ್ರಿ ಕಳೆಯಬೇಕು. ನಾನು ಡ್ಯೂಟಿ ಮೇಲಿದ್ದೇನಲ್ಲ. ನೀವು ನನ್ನ ರೂಮಲ್ಲಿ ಧಾರಾಳವಾಗಿ ವಿಶ್ರಾಂತಿ ಪಡೆಯಬಹದು’ ಎಂದನಾತ. ಕೊನೆಗೂ ಆ ದಂಪತಿ ಕ್ಲರ್ಕ್‌ನ ರೂಂ ಬಳಸಲು ಒಪ್ಪಿದರು. ಮರುದಿನ ಬಿಲ್ ಪಾವತಿಸಿ ಹೊರಟು ನಿಂತ ವೃದ್ಧ ಆತನಿಗೆ ‘ನೀನೊಬ್ಬ ಒಳ್ಳೆಯ ಮ್ಯಾನೇಜರ್. ನಿನ್ನಂಥ ಸಹೃದಯಿಗಳು ಒಂದು ದೊಡ್ಡ ಹೋಟೆಲ್‌ನ ಬಾಸ್ ಆಗಬೇಕು. ಮುಂದೊಮ್ಮೆ ನಿನಗಾಗಿ ಒಂದು ಹೋಟೆಲ್ ಕಟ್ಟಿಸೋಣ ಬಿಡು’ಎಂದರು. ಅದನ್ನು ಕೇಳಿದ ಆ ಕ್ಲರ್ಕ್ ನಕ್ಕುಬಿಟ್ಟ. ದಂಪತಿ ಆತನೊಂದಿಗೆ ಒಂದಷ್ಟು ಹೊತ್ತು ಹರಟಿ ಹೊರಟು ಹೋದರು. ಆತ ಎಂಥ ಅಪರೂಪದ ವ್ಯಕ್ತಿ ಎಂದು ದಂಪತಿಗೆ ಅರಿವಾಯಿತು.
ವರ್ಷಗಳೆರಡು ಉರುಳಿದವು. ಆ ರಾತ್ರಿ ನಡೆದ ಘಟನೆಯನ್ನು, ಮರುದಿನ ಬೆಳಗ್ಗೆ ದಂಪತಿ ಹೇಳಿದ್ದ ಮಾತುಗಳನ್ನು ಕ್ಲರ್ಕ್ ಮರೆತೇ ಬಿಟ್ಟಿದ್ದ. ಆದರೆ ಅವನ ವಿಳಾಸಕ್ಕೆ ಬಂದ ಒಂದು ಲಕೋಟೆ ಎಲ್ಲವನ್ನೂ ಮತ್ತೆ ನೆನಪಿಸಿತು. ವೃದ್ಧ ದಂಪತಿ ಕಳಿಸಿದ ಆ ಲಕೋಟೆಯಲ್ಲಿ ಮಳೆಗಾಲದ ರಾತ್ರಿಯ ಬಗ್ಗೆ ಬರೆಯಲಾಗಿತ್ತು ಹಾಗೂ ನ್ಯೂಯಾರ್ಕ್‌ಗೆ ಬರುವಂತೆ ಆಹ್ವಾನಿಸಿ ಟಿಕೆಟ್‌ಗಳನ್ನೂ ಇಡಲಾಗಿತ್ತು. ಆಹ್ವಾನವನ್ನು ಮನ್ನಿಸಿ ಕ್ಲರ್ಕ್ ನ್ಯೂಯಾರ್ಕ್‌ಗೆ ಹೋದ. ಅವರು ಆತನನ್ನು 5ನೇ ಅವೆನ್ಯೂ, 34ನೇ ರಸ್ತೆಗೆ ಕೊಂಡೊಯ್ದರು. ಅಲ್ಲಿ ತಲೆಯೆತ್ತಿ ನಿಂತಿದ್ದ ನಸುಗೆಂಪು ಬಣ್ಣದ ಕಟ್ಟಡವೊಂದನ್ನು ತೋರಿಸಿ ‘ಅದು… ಆ ಹೋಟೆಲನ್ನು ನಾನು ನಿನಗಾಗಿ ಕಟ್ಟಿಸಿದ್ದೇನೆ. ಇನ್ನು ಮುಂದೆ ನೀನಿದರ ಮ್ಯಾನೇಜರ್!’ಎಂದ.
ಒಂದು ಕ್ಷಣ ಅವಕ್ಕಾದ ಕ್ಲರ್ಕ್ ಸಾವರಿಸಿಕೊಂಡು ‘ನೀವು ಜೋಕ್ ಮಾಡುತ್ತಿದ್ದೀರಿ’ಎಂದ. ‘ಖಂಡಿತವಾಗಿಯೂ ಇಲ್ಲ!’ ಎಂದ ಆ ಹಿರಿಯ. ಅಷ್ಟಕ್ಕೂ ಹಾಗೆ ಹೇಳಿದ ಆ ಹಿರಿಯನಾರು ಗೊತ್ತೇ? ಪ್ರಸಿದ್ಧ ರಾಜಕಾರಣಿ, ಉದ್ಯಮಿಯಾಗಿದ್ದ ವಿಲಿಯಂ ವಾಲ್ಡೋರ್ಫ್ ಆಸ್ಟರ್! ಇನ್ನು ಆ ಹೋಟೆಲ್ ಯಾವುದು ಗೊತ್ತೇ? ಅದು ಜಗತ್ತಿನ ಅತ್ಯುತ್ತಮ ಹೋಟೆಲ್‌ಗಳಲ್ಲಿ ಒಂದಾದ ನ್ಯೂಯಾರ್ಕ್‌ನ ಮ್ಯಾನ್‌ಹಟನ್‌ನಲ್ಲಿರುವ ವಾಲ್ಡೋರ್ಫ್ ಆಸ್ಟೋರಿಯಾ ಹೋಟೆಲ್! ಎಂದೋ ಮಾಡಿದ ಸಹಾಯಕ್ಕೆ ಮುಂದೊಂದು ದಿನ ತಾನು ಅತಿದೊಡ್ಡ ಹೋಟೆಲ್‌ನ ಮ್ಯಾನೇಜರ್ ಆಗುವ ಪ್ರತಿಫಲ ಸಿಗುತ್ತದೆಂದು ತಿಳಿಯದ ಆ ಕ್ಲರ್ಕ್ ಬೇರ್ಯಾರೂ ಅಲ್ಲ ಪ್ರಖ್ಯಾತ ಹೋಟೆಲ್ ಉದ್ಯಮಿ ಜಾರ್ಜ್ ಸಿ ಬೋಲ್‌ಟ್‌! ಅದಕ್ಕೇ ಹೇಳುವುದು Good deeds never goes unrewarded!
******************************
ಜೀವಶಾಸ್ತ್ರಜ್ಞರು ಪ್ರಯೋಗ ನಡೆಸುವ ಸಲುವಾಗಿ ಒಂದು ಶಾರ್ಕ್ ಅನ್ನು ದೊಡ್ಡದೊಂದು ಟ್ಯಾಂಕ್‌ನಲ್ಲಿ ಇರಿಸಿದರು. ನಂತರ ಸಣ್ಣಪುಟ್ಟ ಜಾತಿಯ ಮೀನುಗಳನ್ನು ಅದೇ ಟ್ಯಾಂಕಿನೊಳಗೆ ಬಿಡಲಾಯಿತು. ಈಗ ಶಾರ್ಕ್ ಏನು ಮಾಡುತ್ತದೆ ಎಂದು ಗಮನಿಸಲಾಯಿತು. ನೀವು ಊಹಿಸಿದ ಹಾಗೆಯೇ ಶಾರ್ಕ್ ಅಲ್ಲಿದ್ದ ಸಣ್ಣ ಮೀನುಗಳನ್ನು ಗುಳುಂ ಮಾಡಿಯೇಬಿಟ್ಟಿತು. ಒಂದೆರಡು ದಿನಗಳ ಕಾಲ ಹೀಗೆ ನಡೆಯಿತು. ಇವರು ಮೀನುಗಳನ್ನು ಟ್ಯಾಂಕಿಗೆ ಬಿಡುವುದು, ಶಾರ್ಕ್ ಅವುಗಳನ್ನು ತಿನ್ನುವುದು. ಒಂದು ದಿನ ಟ್ಯಾಂಕಿನ ಮಧ್ಯೆ ಗಾಜಿನಷ್ಟೇ ಪಾರದರ್ಶಕವಾದ ಫೈಬರ್‌ನ ತಡೆಗೋಡೆಯನ್ನು ನಿರ್ಮಿಸಿದರು.
ಅದು ಟ್ಯಾಂಕನ್ನು ಎರಡು ಭಾಗಗಳನ್ನಾಗಿ ವಿಂಗಡಿಸಿತು. ಒಂದು ಕಡೆ ಶಾರ್ಕ್ ಇತ್ತು. ಇನ್ನೊಂದು ಭಾಗದಲ್ಲಿ ಇವರು ಮೊದಲಿನಂತೆ ಮೀನುಗಳನ್ನು ಬಿಟ್ಟರು. ಈ ಕಡೆಯಿದ್ದ ಶಾರ್ಕ್‌ಗೆ ಮೀನುಗಳು ಕಾಣಿಸಿದವು. ಎಂದಿನಂತೆ ಅದು ಮೀನುಗಳ ಮೇಲೆ ಆಕ್ರಮಣ ಮಾಡಲು ಮುನ್ನುಗ್ಗಿತು! ಮಧ್ಯೆಯಿದ್ದ ತಡೆಗೋಡೆಗೆ ತಲೆ ಬಡಿಯಿತು. ಆದರೆ ಆಚೆಗೆ ಹೋಗಲಾಗಲಿಲ್ಲ. ಮತ್ತೊಮ್ಮೆ, ಮಗದೊಮ್ಮೆ ಪ್ರಯತ್ನಿಸಿತು. ಉಹೂಂ ಸಾಧ್ಯವೇ ಇಲ್ಲ! ಸ್ವಲ್ಪ ಹೊತ್ತು ತಲೆ ಚಚ್ಚಿಸಿಕೊಂಡ ಶಾರ್ಕ್ ಹತಾಶೆ, ಕೋಪದಿಂದ ಸುಮ್ಮನಾಯಿತು. ಈ ಪ್ರಯೋಗ ವಾರಗಳ ಕಾಲ ಮುಂದುವರಿಯಿತು. ಪ್ರತಿ ಪ್ರಯತ್ನದ ನಂತರ ಶಾರ್ಕ್‌ನ ಆಕ್ರಮಣಕಾರಿ ಸ್ವಭಾವ ಕ್ಷೀಣಿಸತೊಡಗಿತು. ಮೊದಲೆಲ್ಲ ಕೈಕಾಲು ಸೋಲುವವರೆಗೆ ಗೋಡೆಗೆ ಬಡಿಯುತ್ತಿದ್ದ ಶಾರ್ಕ್, ಗಂಟೆಗೊಮ್ಮೆ ಪ್ರಯತ್ನ ಮಾಡತೊಡಗಿತು.
ಕೊನೆಕೊನೆಗೆ ನೆನಪಾದಾಗೊಮ್ಮೆ ಫೈಬರ್ ಗೋಡೆಯಾಚೆ ನುಗ್ಗಲು ಯತ್ನಿಸಿ ಸುಮ್ಮನಾಗತೊಡಗಿತು. ಕೊನೆಗೊಂದು ದಿನ ಅಲ್ಲಿ ನಿರ್ಮಿಸಿದ್ದ ತಡೆಗೋಡೆಯನ್ನು ತೆಗೆದು ಹಾಕಿದರು. ಮೀನುಗಳು ಇನ್ನೊಂದು ಪಾರ್ಶ್ವದಲ್ಲಿ ಈಜಾಡುತ್ತಲೇ ಇದ್ದವು. ಆದರೆ ಈಚೆ ಭಾಗದಲ್ಲಿದ್ದ ಶಾರ್ಕ್ ಮೀನುಗಳ ಮೇಲೆ ಆಕ್ರಮಣ ಮಾಡಲೇ ಇಲ್ಲ. ಬಾಹ್ಯವಾಗಿ ನಿರ್ಮಿಸಲಾಗಿದ್ದ ತಡೆಗೋಡೆ ತೆಗೆದರೂ, ಶಾರ್ಕ್‌ನ ಮನಸ್ಸಿನೊಳಗೆ ನಿರ್ಮಿತವಾದ ಆಂತರಿಕ ತಡೆಗೋಡೆ ಕಳಚಲೇ ಇಲ್ಲ. ಮೀನುಗಳ ಮೇಲೆ ಆಕ್ರಮಣ ಮಾಡುವುದು ನನ್ನಿಂದ ಸಾಧ್ಯವಿಲ್ಲ ಎಂದು ಬಲವಾಗಿ ನಂಬಿದ ಶಾರ್ಕ್ ಪ್ರಯತ್ನ ಮುಂದುವರಿಸಲೇ ಇಲ್ಲ. ನಮ್ಮ ಜೀವನದಲ್ಲಿಯೂ ಹಾಗೇ ಆಗುತ್ತದೆ. ಯಾವುದೋ ಕೆಲಸಕ್ಕೆ ಕೈ ಹಾಕುತ್ತೇವೆ. ಸತತ ಸೋಲುಗಳು ಎದುರಾಗುತ್ತವೆ.
ಓಹೋ ಇದು ನನ್ನಿಂದಾಗದು ಎಂದು ಕೈ ಚೆಲ್ಲಿ ಸುಮ್ಮನಾಗುತ್ತೇವೆ. ಹಿಂದೆ ಸೋಲಾಗಿತ್ತು, ಹಾಗಾಗಿ ಮುಂದೆಂದೂ ನನಗೆ ಗೆಲ್ಲಲು ಸಾಧ್ಯವಿಲ್ಲ ಎಂಬ ಭಯದ ತಡೆಗೋಡೆಯೊಂದು ಮನಸ್ಸಿನೊಳಗೆ ಭದ್ರವಾಗಿ ತಲೆಯೆತ್ತಿ ಬಿಟ್ಟಿರುತ್ತದೆ. ಇಂಥ ಆಂತರಿಕ ತಡೆಗೋಡೆಯನ್ನು ಒಡೆದು ಹಾಕದಿದ್ದರೆ ನಾವೂ ಆ ಶಾರ್ಕ್‌ನಂತೆ ಕಣ್ಮುಂದೆ ಮೀನುಗಳನ್ನು ಈಜಲು ಬಿಟ್ಟು ಸುಮ್ಮನಾಗಬೇಕಾಗುತ್ತದೆ. ವಾಸ್ತವದಲ್ಲಿ ಇಲ್ಲದೇ ಇರುವ ಗೋಡೆಯೊಂದು ನಿಮ್ಮ ತಲೆಯೊಳಗೆ ಮೂಡದಿರಲಿ.
Sent from Samsung Mobile
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ