ಮೂರ್ಖರದಿನ*

 *ಇಂದು ಮೂರ್ಖರ ದಿನಾಚರಣೆ*

ಏನಿದೆಯೋ ಅದನ್ನು ಬಿಟ್ಟು ಇನ್ನೇನೋ ತಿಳಿದುಕೊಳ್ಳುವವ ಮೂರ್ಖ.

ಮೂರ್ಖರು ಯಾರು... ???
ಯಾರಿದ್ದಾರೆಯೋ ಇಲ್ಲೋ ತಿಳಿಯದು, ನಾನಂತೂ ಮೂರ್ಖನೆ.
ನಾನು ಯಾಕೆ ಮೂರ್ಖ.... ??
೧) ಎಲ್ಲವೂ ನಾನು ಎಂದು ಹೆಳಿಕೊಳ್ಳುತ್ತೇನೆ, ೨) ಏನೆಲ್ಲ ಮಾಡಿದ್ದೇನೆ ಅದೆಲ್ಲವೂ ನಾನೆ ಮಾಡಿದ್ದೇನೆ ಎಂದೇ ಬೊಗುಳುತ್ತೇನೆ ಆದ್ದರಿಂದಲೇ ನಾನು ಮೂರ್ಖ.

ನಾನು ಮೂರ್ಖನಲ್ಲ ಎಂದೇ ಗುರುತಿಸಬೇಕಾದರೆ ಏನು ಮಾಡುವದು.... ????
ನಾನು ಎನ್ನುವದನ್ನು ಕಳೆದುಕೊಂಡಾಗ ಅಥವಾ ಬಿಟ್ಟಾಗ ನಾನು ಬುದ್ಧಿವಂತನು ಎಂದಾಗುವೆ. ಅಂತೆಯೇ "ನಾನು ಹೋದರೆ ಹೋದೇನು" ಎಂದು ಉದ್ಗಾರ ತೆಗೆದರು ಕನಕದಾಸರು.

ನಾನೇಕೇ ಮೂರ್ಖ......
ನಾನು ನಾನೇ ಆಗಿದ್ದೇನೆಯೇ ಹೊರತು ನಾನು ಮತ್ತೇನೂ ಆಗಿಲ್ಲ. ಏನೂ ಆಗದ ನಾನು ಎಲ್ಲವೂ ನಾನೇ ಎಂದು ಹೇಳಿಕೊಂಡರೆ ಮೂರ್ಖನೇ ತಾನೆ.....

ನಾನು ಏನು ಮಾಡಿದ್ದೇನೆ ಎಲ್ಲವೂ ಎನ್ನಲಿ ನಿಂತ ದೇವರೇ ಮಾಡಿಸಿದ್ದಾನೆ. ಎಲ್ಲವನ್ನೂ ಮಾಡಿಸಿರುವದು ದೇವರು. ನಾನು ತಿಳಿದು ಕೊಂಡಿದ್ದು "ನಾನು ಮಾಡಿದೆ" ಎಂದು ಇದುವೇ ತಾನೇ ಮೂರ್ಖತನ....

ನನ್ನ ಸುಖ ಎನ್ನಲ್ಲಿ ಅಡಗಿದೆ.
ಆ ಸುಖವನ್ನು ಎನ್ನಲ್ಲಿ  ಹುಡುಕಿಕೊಳ್ಳದೇ ಹೊರಗಿನ ಬೇರೆಯದೇ ವಸ್ತುಗಳಿಂದ ಸಿಗುತ್ತದೆ ಎಂದೇ ಕೊರಗುತ್ತೆನೆ ಎದುವೇ ತಾನೇ ಮೂರ್ಖರ ಲಕ್ಷಣ.....

ಸುಖದ ಹಾಗೆಯೇ "ಜ್ಙಾನ, ಬಲ, ಶಕ್ತಿ, ಆರೋಗ್ಯ, ಆಯುಷ್ಯ, ಸೌಭಾಗ್ಯ, ಶಾಂತಿ, ಸಮೃದ್ಧಿ, ತೃಪ್ತಿ, ಐಶ್ವರ್ಯ ಹೀಗೆ ಪ್ರತಿಯೊಂದೂ ಎನ್ನಲ್ಕೇ ಇವೆ. ಆದರೆ ನಾ ಅಪೆಕ್ಷೆಪಡುವದು ಮಾತ್ರ ಹೊರಗಿಂದ. *ಇರುವದು ಒಳಗೆ, ಅಪೇಕ್ಷಿಸಿ ಪಡೆದದ್ದು ಹೊರಗಿನಿಂದ. ಸಿಕ್ಕೀತು ಆದರೂ ಹೇಗೆ...??* ಇದುವೇ ಅಲ್ಲವೇ ಮೂರ್ಖತನ...

ನಮ್ಮ ಮೂರ್ಖತನವನ್ನು ಹೋಗಲಾಡಿಸಲೇ " ವೇದವ್ಯಾಸದೇವರು, ಶ್ರೀಮದಾಚಾರ್ಯರು, ಟೀಕಾಕೃತ್ಪಾದರು, ರಘೂತ್ತಮರು, ರಾಯರು, ಯಾದವಾರ್ಯರು ಇವರೇ ಮೊದಲಾದ ಜ್ಙಾನಿಗಳು ಭುವಿಗಿಳಿದು ಶಾಸ್ತ್ರರಚಿಸಿ ಅನುಗ್ರಹಿಸಿದ್ದಾರೆ, ಅದನ್ನು ಅನಾಯಾಸೇನೆ ತ್ಯಜಿಸಿದ ನಾನೇ ಮೂರ್ಖನಲ್ಲವೇ...

ನನಗೆ ನನ್ನದೂ ಆದ ಸುಖ ಸಮೃದ್ಧಿ ವೈಭವ ಸಿಗಲು ಬೇಕು ಧರ್ಮ. ಆ ಧರ್ಮವನ್ನು *ಧರ್ಮವೆಂಬ ಒಂದು ಪದಾರ್ಥವೂ ಇಲ್ಲವೇನೋ* ಎನ್ನುವಷ್ಟು ಕಡೆಗಾಣಿಸಿದ ನಾನೇ ಮೂರ್ಖನಲ್ಲವೇ....

ಈಗ ಒಂದು ಲೇಖನೆ ಓದಿದೆ‌ *ನಮ್ಮಲ್ಲಿ ಮೂರ್ಖರು ಯಾರಿಲ್ಲ* ಎಂದು. ಕ್ಷಣ ಖುಶಿ ಆಯ್ತು. ಆ ಸುಖ ಕ್ಷಣವೇ ಅನಿಸುತು. ಮೂರ್ಖರು  ಯಾರಿಲ್ಲದಿರಬಹುದು *ನಾನು* ಅಂತೂ ಮಹಾ ಮೂರ್ಖನೇ ಎಂದು. ಹೀಗೆ ತಿಳಿದಾಗ ಸಮಾಧಾನ ಅನಿಸಿತು......

*ಭಕ್ತರ ಸಂಗಕೊಟ್ಟು ಮೂರ್ಖತನ ಕಳೆದು ರಕ್ಷಿಸು ಸಂರಕ್ಷಿಸು ಎಂದು ಅನೇಕ ಪ್ರಣಾಮಗಳನ್ನು ಸಲ್ಲಿಸುತ್ತಾ ಮೂರ್ಖರೆಲ್ಲರೂ ಸೇರಿ ಮೂರ್ಖರದಿನಾಚರಣೆಯನ್ನು ಮಾಡೋಣ.... 

*
*ಇಂದುಮೂರ್ಖರದಿನ*  *ಪುರಂದರ ದಾಸರ ಕೀತ೯ನೆ ಒಂದು ಚಿಂತನೆ*-
ಇಂದು ಮೂರ್ಖರದಿನವಾಗಿದ್ದು *ಪುರಂದರದಾಸರು ತಮ್ಮ ಕೀತ೯ನೆಯೊಂದರಲ್ಲಿ ಮೂರ್ಖರೆಂದರೆ ಯಾರು ಎಂಬುದನ್ನು ತಿಳಿಸಿದ್ದಾರೆ.
*ದೃಢ ಭಕ್ತಿ ಇಲ್ಲದವ ಮೂರ್ಖ*
*ಸರ್ಪನಲಿ ಸರಸವಾಡುವವ ಮೂರ್ಖ*
*ರಾಮನಾಮವ ಭಜಿಸಿ* *ನೆನೆಯದವ ಮೂರ್ಖ*
*ಭೂಸುರರಿಗನ್ನವನು ಕೊಡದವ ಮೂರ್ಖ*
*ಶೇಷಗಿರಿ ಕೃಷ್ಣನ್ನ ಭಜಿಸದಿದ್ದವ ಮೂರ್ಖ*
*ದಾಸನಾಗದವ ಕಡುಮೂರ್ಖ*
*ಉಂಡಮನೆಗೆರಡನ್ನು ಬಗೆಯುವವ ಮೂರ್ಖ*
*ಕೊಂಡೆ ಮಾತನು ಕೇಳಿ ಕುಣಿವವನು ಮೂರ್ಖ*,
*ಪುಂಡರೀಕಾಕ್ಷ ಶ್ರೀ ಪುರಂದರ ವಿಠಲನ ಕೊಂಡಾಡಿ ಭಜಿಸದವ ಕಡು ಮೂರ್ಖ!!*
*ಮೂರ್ಖರಾದರು ಜನರು ಜಗದೊಳಗೆ*