ನವಗ್ರಹಗಳು ನಿಮ್ಮ ಜೀವನ ಮತ್ತು ನಿಮ್ಮ ಮನೆ

ನಿಮ್ಮ ಈ ಒಂಭತ್ತು ಅಭ್ಯಾಸಗಳಿಂದ, ನವಗ್ರಹಗಳು  ನಿಮ್ಮ ಜೀವನ ಮತ್ತು ನಿಮ್ಮ ಮನೆಯ ಮೇಲೆ ಪ್ರತಿಕೂಲ ಪರಿಣಾಮವನ್ನು ಉಂಟು ಮಾಡುತ್ತವೆ.
 
ನವಗ್ರಹಗಳು ನಮ್ಮ ದೇಹದಲ್ಲಿ  ಹಾಗು ನಿತ್ಯದ ಜೀವನದಲ್ಲಿ ಸದಾ ಸಂಚರಿಸುತ್ತ; ಅವುಗಳ ಗೋಚರದಲ್ಲಿ ನಾವಿರುತ್ತೇವೆ.ಕೆಲವು ಕೆಟ್ಟ ಅಭ್ಯಾಸಗಳಿಂದ ನಾವು ನವಗ್ರಹಗಳ ಅವಕೃಪೆಗೆ ಕಾರಣರಾಗುತ್ತೇವೆ.ಅವುಗಳಿಗೆ ಪರಿಹಾರವೆಂದರೆ:--

೧. ನಮ್ಮ ಮನೆಗಳಿಗೆ ಯಾರಾದರೂ ಅತಿಥಿಗಳು-ಅಭ್ಯಾಗತರು ಬಂದಾಗ, ಅವರು ಅತಿಥಿಗಳಿರಲಿ ಅಥವಾ ಕೆಲಸದ ನೌಕರರು/ಆಳುಗಳಿರಲಿ ಅವರಿಗೆ ಕುಡಿಯಲು ಲೋಟದಲ್ಲಿ ಶುಧ್ಧ ನೀರನ್ನು/ಹಾಲನ್ನು ಕೊಡಬೇಕು.
ಹೀಗೆ ಶುಧ್ಧ ನೀರನ್ನು   ಕುಡಿಯಲು ಕೊಟ್ಟರೆ ರಾಹುಗ್ರಹದಿಂದ ಯಾವುದೇ ದುಷ್ಪರಿಣಾಮಗಳು ಆಗುವುದಿಲ್ಲ. ಜೀವನದಲ್ಲಿ ಯಾವುದೇ ತೊಂದರೆಗಳು/ಅಘಾತಕರ ಘಟನೆಗಳು ಸಂಭವಿಸುವುದಿಲ್ಲ.

೨. ನಿಮಗೆ ಎಲ್ಲಂದರೆ ಅಲ್ಲಿ ಉಗುಳುವ ಅಭ್ಯಾಸವಿದ್ದರೆ, ನಿಮಗೆ ಅಕಸ್ಮಾತ್ ಹೆಸರು ಮತ್ತು ಗೌರವ ಬಂದಲ್ಲಿ, ಅದು ಬಹಳ ದಿನ ಇರಲಾರದು. ಎಲ್ಲಂದರೆ ಅಲ್ಲಿ ಉಗುಳಿದರೆ ಬುಧಗ್ರಹದ ಅವಕೃಪೆ.
ಉಗುಳುವುದನ್ನು ಕೈ ತೊಳೆಯುವ ಬಚ್ಚಲಿನಲ್ಲಿ(wash basin) ಮಾತ್ರ ಉಗಳಬೇಕು. ಆಗ ಮಾತ್ರ ನಿಮ್ಮ ಹೆಸರು ಮತ್ತು ಗೌರವ ವೃಧ್ಧಿಯಾಗುತ್ತವೆ.

೩. ಕೆಲವರಿಗೆ ತಿಂಡಿ, ತಿನಿಸು, ಊಟ ಮಾಡಿದ ತಟ್ಟೆಗಳನ್ನು /ಪಾತ್ರೆಗಳನ್ನು ಹಾಗೆ ಇಡುವ ಅಭ್ಯಾಸ ಇರುತ್ತದೆ.  ಅಂತಹವರಿಗೆ ಜೀವನದಲ್ಲಿ ಗೆಲವು ಖಾಯಂ ಆಗಿ ಸಿಗುವುದಿಲ್ಲ. ಅಂಥಹವರು ನಿರಂತರ ಹೋರಾಟ ಮಾಡುತ್ತಿರಬೇಕು ಹಾಗೂ ಆದರೂ ಅವರಿಗೆ ಒಳ್ಳೆಯ ಹೆಸರು ಸಿಗುವುದಿಲ್ಲ.
ನೀವು ಉಪಯೋಗಿಸಿದ ತಟ್ಟೆ/ಲೋಟ/ಪಾತ್ರೆಗಳನ್ನು (ಸಾಧ್ಯವಾದಷ್ಟು) ಬೇಗ ತೊಳೆದು ಅವುಗಳನ್ನು ಸರಿಯಾದ ಸ್ಥಳದಲ್ಲಿ ಇಡಬೇಕು.

ಹೀಗೆ ಮಾಡುವುದರಿಂದ  ಚಂದ್ರ ಮತ್ತು ಶನಿ ಗ್ರಹಗಳನ್ನು ಗೌರವಿಸಿದಂತಾಗಿ ಅವರುಗಳು ಸಂತೃಪ್ತರಾಗುತ್ತಾರೆ.
ಇದರಿಂದ ನಿಮಗೆ ಮನಃಶಾಂತಿ ಸಿಗುತ್ತದೆ ಹಾಗೂ ಕೆಲಸದಲ್ಲಿ ಯಾವುದೇ ಅಡೆ-ತಡೆಗಳಿರುವುದಿಲ್ಲ.

೪. ನಮ್ಮ ಮನೆಗಳಲ್ಲಿ ಇರುವ ಗಿಡಗಳು ನಮ್ಮ ಕುಟುಂಬದ ಸದಸ್ಯರಿದ್ದಂತೆ.
ಅವುಗಳಿಗೆ ನಮ್ಮ ಪ್ರೀತಿ ಮತ್ತು ಆರೈಕೆ ಅವಶ್ಯವಿದೆ.

ನಿತ್ಯ ಮುಂಜಾನೆ ಮತ್ತು ಸಂಜೆ ಅವುಗಳಿಗೆ ನೀರು ಉಣಿಸಿದ್ದಲ್ಲಿ, ಗುರು, ಚಂದ್ರ ಮತ್ತು ಸೂರ್ಯ ಗ್ರಹಗಳನ್ನು ಆರಾಧಿಸಿ ಅವುಗಳ ಅನುಗ್ರಹ ಪಡೆದಂತೆ ಆಗುತ್ತದೆ.
ಇದರಿಂದ ನಮಗೆ ಕಷ್ಟಗಳನ್ನು ಧೈರ್ಯದಿಂದ ಎದುರಿಸಿ ಅವುಗಳನ್ನು ನಿವಾರಣೆ ಮಾಡಿಕೊಳ್ಳುವ ಶಕ್ತಿ ಬರುತ್ದದೆ.

ದಿನ ನಿತ್ಯ ಮರಗಿಡಗಳಿಗೆ ನೀರು ಉಣಿಸುವವರಿಗೆ ಮಾನಸಿಕ ಸಮಸ್ಯೆ/ಖಿನ್ನತೆ, ಮಾನಸಿಕ ಒತ್ತಡಗಳು ಎಂದೆಂದಿಗೂ ಆಗುವುದಿಲ್ಲ..!.

೫. ಯಾರು ತಮ್ಮ ಪಾದರಕ್ಷೆ /ಚಪ್ಪಲಿ, ಕಾಲ ಕವಚ (shoes), ಕೈ ಕವಚಗಳು ಮತ್ತು ಕಾಲು ಚೀಲಗಳನ್ನು ಮನೆಗೆ ಬಂದಾಗ ಎಲ್ಲೆಂದರೆ ಅಲ್ಲಿ ಬಿಟ್ಟಿರುತ್ತಾರೆಯೋ/ಎಸೆದಿರುತ್ತಾರೆಯೋ ಅವರಿಗೆ ಅವರ ಶತ್ರುಗಳು ಹೆಚ್ಚಿನ ತೊಂದರೆ ಕೊಡುತ್ತಾರೆ‌. ಅವುಗಳನ್ನು ಮನೆಗೆ ಬಂದಾಗ ಸರಿಯಾದ ಜಾಗದಲ್ಲಿ ವ್ಯವಸ್ಥಿತವಾಗಿ ಇಟ್ಟಲ್ಲಿ ಗುರುವು ಪ್ರಸನ್ನನಾಗಿ ಶತ್ರುಗಳು ದೂರವಾಗಿ ಸಮಾಜದಲ್ಲಿ ನಿಮ್ಮ ಘನತೆ ಗೌರವಗಳು ಹೆಚ್ಚಾಗುತ್ತವೆ.

೬. ಹಾಸಿಗೆಯಿಂದ ಮುಂಜಾನೆ ಎದ್ದ ನಂತರ  ನಿಮ್ಮ ಹಾಸಿಗೆ ಸ್ವಚ್ಚವಾಗಿ ಇಟ್ಟು ಕೊಳ್ಳ ಬೇಕು, ಹಾಗೆ ಇಡದೇ, ನೀವು ಎದ್ದ ನಂತರ ಹಾಸಿಗೆಯ ಹೊದಿಕೆ, ನಿಮ್ಮ ಹೊದಿಕೆ, ತಲೆದಿಂಬುಗಳು ಅಸ್ತವ್ಯಸ್ತವಾಗಿದ್ದರೆ ನಿಮ್ಮನ್ನು ಶನಿ ಮತ್ತು ರಾಹುಗಳು ಕಾಡುತ್ತವೆ. ನೀವು ನಿತ್ಯ ಧರಿಸುವ ಬಟ್ಟೆಗಳು ಸ್ವಚ್ಚ ಇಲ್ಲದಿದ್ದರೆ ನಿಮ್ಮ ನಿತ್ಯದ ಕೆಲಸ ಕಾರ್ಯಗಳು ಎಂದೆಂದಿಗೂ ಸುಗಮವಾಗಿ ನಡೆನಯುವುದಿಲ್ಲ..!
ನೀವೂ ಮತ್ತು ನಿಮ್ಮ ಸುತ್ತಲಿನವರೂ ಸಂತೋಷವಾಗಿರುವುದಿಲ್ಲ.

ಇದನ್ನು ತಡೆಯಲು ನೀವು ಮುಂಜಾನೆ ಎದ್ದ ನಂತರ ನಿಮ್ಮ ಹಾಸಿಗೆಯನ್ನು ಸ್ವಚ್ಚವಾಗಿ ಇಟ್ಟುಕೊಂಡರೆ ನಿಮ್ಮ ದೈನಂದಿನ ಕೆಲಸಗಳು ಸುಗಮವಾಗಿ ನಡೆಯುತ್ತವೆ.

೭. ನಾವು ಯಾವಾಗಲೂ ನಮ್ಮ ಕಾಲುಗಳನ್ನು ಹಾಗೂ ಪಾದಗಳನ್ನು ಸ್ವಚ್ಚವಾಗಿ ಇಟ್ಟುಕೊಳ್ಳಬೇಕು. ಸತ್ಯ ಸಂಗತಿಯೆಂದರೆ ನಾವುಗಳು ಯಾರೂ ಇದರ ಬಗ್ಗೆ ಗಮನ ಹರಿಸುವುದಿಲ್ಲ. ಕೈ ಕಾಲುಗಳನ್ನು ಮತ್ತು ಪಾದಗಳನ್ನು ಸ್ವಚ್ಛತೆ ಬಗ್ಗೆ ಗಮನ ಹರಿಸಬೇಕು. ಮನೆಗೆ ಹೊರಗಿನಿಂದ ಬಂದಾಗ  ಮುಖ,  ಕೈ ಕಾಲುಗಳನ್ನು ಸ್ವಚ್ಚವಾಗಿ ತೊಳೆದುಕೊಳ್ಳಬೇಕು.  ( ಸಾಧ್ಯವಾದರೆ ತೊಳೆದುಕೊಂಡೆ ಮನೆಯ ಒಳಗೆ ಪ್ರವೇಶಿಸಿದರೆ ಉತ್ತಮ )

ಇದರಿಂದ ನಿಮಗೆ ಮನಃಶಾಂತಿ ಹಾಗೂ ನೆಮ್ಮದಿ ದೊರೆಯುತ್ತದೆ ಹಾಗೂ ಅನವಶ್ಯಕ ಸಿಟ್ಟು ಹಾಗೂ ಮನಸ್ಸಿಗೆ ಕಿರಿ-ಕಿರಿ ಆಗುವುದಿಲ್ಲ ಹಾಗೂ ದಿನಃ ಪೂರ್ತಿ ಸಂತೋಷವಾಗಿರುತ್ತೀರ.
ಇನ್ನಾದರೂ ಈ ಬಗ್ಗೆ ವ್ಯವಸ್ಥೆ ಮಾಡಿಕೊಂಡು, ಅದನ್ನು ಪಾಲಿಸಿ ಜೀವನದಲ್ಲಿ ಆಗುವ ಆಧ್ಬುತ ಬದಲಾವಣೆಗಳನ್ನು ಗಮನಿಸಿರಿ..!
೮. ನೀವು ಪ್ರತಿದಿನ ಮನೆಗೆ ಬರುವಾಗ ಮನೆಯಲ್ಲಿ ಉಪಯೋಗಿಸುವ ಯಾವುದಾದರೂ ವಸ್ತುವನ್ನು ಹೂವು/ಹಣ್ಣು/ತರಕಾರಿ ಕೈಯಲ್ಲಿ ಹಿಡಿದು ಮನೆಗೆ ತರಬೇಕು.
ಹಾಗೆ ಮಾಡಿದರೆ ಅಂತಹ ಮನೆಯಲ್ಲಿ, ಮನೆಯ ಲಕ್ಷ್ಮಿಯು (ಸಂಪತ್ತಿನ ಅಧಿಪತಿ) ಮತ್ತು ಶುಕ್ರನು ಮನೆಯಲ್ಲಿ ಖಾಯಂ ಆಗಿ ನೆಲಸುತ್ತಾರೆ.

೯. ನೀವು ಉಪಹಾರ/ಊಟ ಮಾಡಿದ ತಟ್ಟೆಯಲ್ಲಿ ಯಾವತ್ತೂ  ಆಹಾರವನ್ನು ಉಳಿಸಬೇಡಿರಿ.

ಹಾಗೆ ಉಳಿಸಿದರೆ ನವಗ್ರಹಗಳೆಲ್ಲವೂ ನಿಮಗೆ ವಿರೋಧವಾಗಿ ನೀವು ಕಷ್ಟಗಳನ್ನು ಅನುಭವಿಸಬೇಕಾಗುತ್ತದೆ. 

ಕಾಗೆ ಪದೇ ಪದೇ ಮನೆ ಮುಂದೆ ಕೂಗುತ್ತಿದ್ದರೆ ಏನು ನಡೆಯುತ್ತದೆ ಗೊತ್ತಾ?*             ‌                                                           

ಹಿಂದೂ ಸಂಪ್ರದಾಯದ ಪ್ರಕಾರ ನಮ್ಮ ಬಂಧುಗಳು ತೀರಿಕೊಂಡಾಗ ಕಾಗೆಗೆ ಪಿಂಡ ಇಡುತ್ತೇವೆ. ಮೂರನೇ ದಿನದಿಂದ ಹತ್ತನೇ ದಿನದ ತನಕ ಪಕ್ಷಿಗಳಿಗೆ ಎಂದರೆ ಕಾಗೆಗಳಿಗೆ ಪಿಂಡ ಎಂದರೆ ಆಹಾರ ಇಡುವುದನ್ನು ನೋಡುತ್ತಿರುತ್ತೇವೆ. ಮರಣಿಸಿದವರು ಕಾಗೆ ರೂಪದಲ್ಲಿ ಕುಟುಂಬಿಕರು ಇಟ್ಟ ಆಹಾರವನ್ನು ತಿನ್ನಲು ಬರುತ್ತಾರೆ ಎಂಬ ನಂಬಿಕೆ ನಮ್ಮಲ್ಲಿದೆ. ಹಾಗಾಗಿ ಪಿಂಡ ಇಡುವ ಸಂಪ್ರದಾಯ ಇದೆ. ಕರ್ಮಕಾಂಡದ ಭಾಗವಾಗಿ ಕಾಗೆಗಳಿಗೆ ಅನ್ನ ಇಡುತ್ತಿರುತ್ತೇವೆ. ಆ ಆಹಾರವನ್ನು ಕಾಗೆ ತಿಂದರೆ ತಮ್ಮ ಹಿರಿಯರು ಸಂತೃಪ್ತಿ ಹೊಂದಿದರು ಎಂದು ಒಂದು ವೇಳೆ ಕಾಗೆ ಮುಟ್ಟದಿದ್ದರೆ ಅವರಿಗೆ ಇಷ್ಟವಾದ ಬಯಕೆ ಏನೋ ನಾವು ತೀರಿಸದಿದ್ದ ಕಾರಣ ಅವರು ಅಸಂತೃಪ್ತಿಗೆ ಒಳಗಾಗಿದ್ದಾರೆ ಎಂದುಕೊಳ್ಳೂತ್ತೇವೆ.                          ‌                             

ಅದಕ್ಕೆ ಪುರಾಣದಲ್ಲಿ ಒಂದು ವೃತ್ತಾಂತ ಇದೆ. ರಾವಣನು ನವಗ್ರಹಗಳನ್ನು ಬಂಧಿಸಲು ಬಂದಾಗ ಅದನ್ನು ನೋಡಿ ಯಮಧರ್ಮ ರಾಜ ಭಯ ಬೀಳುತ್ತಾನೆ. ತನ್ನನ್ನು ಬಂಧಿಸುತ್ತಾನೆ ಎಂದು ತಿಳಿದು ಬೇರೆ ದಾರಿ ಇಲ್ಲದೆ ಅಲ್ಲಿ ಇದ್ದ ಕಾಗೆಗೆ ತಪ್ಪಿಸಿಕೊಳ್ಳುವ ಮಾರ್ಗ ಇದ್ದರೆ ಹೇಳು ಎನ್ನುತ್ತಾನೆ. ಕಾಗೆ ತನ್ನಲ್ಲಿ ಪ್ರವೇಶಿಸು ಎಂದು ಹೇಳುತ್ತದೆ. ಆ ರೀತಿ ತನ್ನಲ್ಲಿ ಪ್ರವೇಶಿಸಿದ ಕೂಡಲೆ ಕಾಗೆ ದೂರ ಹಾರಿ ರಾವಣನಿಂದ ರಕ್ಷಿಸುತ್ತದೆ. ಆಗ ಯಮನು ಕಾಗೆಗೆ ಒಂದು ವರ ನೀಡುತ್ತಾರೆ. ನಿನಗೆ ಯಾರು ಅಮಾವಾಸ್ಯೆ ದಿನ ಅಥವಾ ಬಂಧುಗಳು ತೀರಿಕೊಂಡ ತಿಥಿಯಲ್ಲಿ ಆಹಾರ ಇಡುತ್ತಾರೋ ಆ ಆಹಾರ ನೀನು ತಿಂದರೆ ಅವರ ಪಿತೃದೇವತೆಗಳು ನರಕದಲ್ಲೂ ಸಹ ಆನಂದಿಸುತ್ತಾರೆ. ಹಾಗಾಗಿ ಕಾಗೆಗೆ ಆಹಾರ ಇಡುವುದು ಆಚಾರವಾಗಿದೆ.                        ‌                             

ನಾವು ಏನಾದರೂ ವ್ರತಗಳನ್ನು ಮಾಡಿದಾಗ ನಾವು ತಿನ್ನದೇ ಹೋದರೂ ಮೂಕ ಜೀವಿಗಳಿಗೆ ಆಹಾರ ಇಡಬೇಕು. ಆದರೆ ಶನಿದೇವರ ಅನುಗ್ರಹ ಪಡೆದ ಕಾಗೆಗೆ ಆಹಾರ ಇಟ್ಟರೆ ಶನಿದೇವರ ಅನುಗ್ರಹ ಪಡೆದಂತೆ. ಇನ್ನೂ ಕೆಲವರ ನಂಬಿಕೆ ಪ್ರಕಾರ ಕಾಗೆ ಕೆಲವು ಸೂಚನೆಗಳನ್ನು ಕೊಡುತ್ತದೆ ಎಂದು ನಂಬುತ್ತಾರೆ. ನಮ್ಮ ಪೂರ್ವಿಕರ ಜೀವನ, ಮರಣ ಕಾಗೆಯೊಂದಿಗೆ ಬೆರೆತಿದೆ ಎಂದು ನಂಬುತ್ತಾರೆ. ಸತ್ತವರ ನಮ್ಮ ಪೂರ್ವಿಕರೇ ಕಾಗೆ ರೂಪದಲ್ಲಿ ಇರುತ್ತಾರೆ ಎಂಬುದು ಬಹಳಷ್ಟು ಮಂದಿಯ ನಂಬಿಕೆ. ಶ್ರಾದ್ಧ ಕರ್ಮಗಳ ಸಮಯದಲ್ಲಿ ಕಾಗೆ ಪಿಂಡ ತಿಂದರೆ ಸತ್ತರ ಆತ್ಮ ಸಂತೃಪ್ತಿ ಪಡೆಯುತ್ತದೆಂದು ಸಹ ಹೇಳುತ್ತಿರುತ್ತಾರೆ. ಕಾಗೆಗಳು ನಮ್ಮ ಭವಿಷ್ಯವನ್ನು ಊಹಿಸುತ್ತವೆ ಎಂದು ಕಾಗೆ ಕೂಗಿದರೂ ಕೆಲವು ಪ್ರದೇಶಗಳಲ್ಲಿ ಕೂತರೂ, ಮುಟ್ಟಿದರೂ, ಒದ್ದರೂ ಅದು ನಡೆಯಲಿರುವ ಅಂಶಗಳಿಗೆ ಸೂಚನೆ ಎಂದು ಕೆಲವು ನಂಬಿಕೆಗಳಿವೆ. ಒಂದು ವೇಳೆ ನೀವು ಹೊರಗೆ ಹೋಗುವಾಗ ಕಾಗೆ ಬಂದು ಜೋರಾಗಿ ಕೂಗಿ ಹೋಯಿತು ಎಂದರೆ ನೀವು ಹೊರಡುತ್ತಿರುವ ಕೆಲಸ ಅಥವಾ ಪ್ರಯಾಣ ಸಕ್ಸಸ್ ಆಗುತ್ತದೆ ಎಂಬ ಸೂಚನೆ. ತುಂಬಿದ ಕೊಡದ ಮೇಲೆ ಕೂತಿರುವ ಕಾಗೆಯನ್ನು ಯಾರು ನೋಡುತ್ತಾರೋ ಅವರು ಶ್ರೀಮಂತರಾಗುತ್ತಿದ್ದಾರೆ ಎಂದರ್ಥ. ಒಂದು ವೇಳೆ ಕಾಗೆ ತನ್ನ ಬಾಯಲ್ಲಿ ರೊಟ್ಟಿ, ಬ್ರೆಡ್ ಅಥವಾ ಮಾಂಸವನ್ನು ಹಿಡಿದು ಹೊರಟಿತು ಎಂದರೆ ಏನೋ ಶುಭಸುದ್ದಿ ಕೇಳಲಿದ್ದೀರಿ ಎಂದರ್ಥ. ಮನೆ ಬಳಿ ಅಥವಾ ಕಚೇರಿ ಬಳಿ ಅಥವಾ ಊರಲ್ಲಿ ಕೂಗಿದರೆ ಅದು ಅಶುಭ ಸಂಕೇತ. ಆ ಪ್ರದೇಶದ ಮುಖ್ಯಸ್ಥ ಸಮಸ್ಯೆಗೆ ಸಿಗುತ್ತಾನೆ ಎಂದರ್ಥ. ಒಂದು ವೇಳೆ ತಲೆಮೇಲೆ ಕಾಗೆ ಕೂತರೆ ಅವರು ಅವಮಾನಗಳಿಂದ ಸಮಾಜದಲ್ಲಿ ಗೌರವ ಕಳೆದುಕೊಳ್ಳುತ್ತಾರೆ. ಒಂದು ವೇಳೆ ಕಾಗೆ ಮಹಿಳೆಯ ತಲೆ ಮೇಲೆ ಅಥವಾ ಅವರ ಮೇಲೆ ಕೂತರೆ ಆಕೆಯ ಗಂಡ ಸಮಸ್ಯೆಗೆ ಸಿಕ್ಕಿಬೀಳುತ್ತಾರೆ ಎಂದರ್ಥ. ಒಂದು ವೇಳೆ ಕಾಗೆ ಸಂಜೆ ಹೊತ್ತು ಆಗ್ನೇಯ ದಿಕ್ಕಿನಿಂದ ಬರುವುದು ನೋಡಿದರೆ ದ್ರವ್ಯ ಲಾಭ ಎಂದರ್ಥ